Baku Expo Center

Yeni sərgi kompleksinin əsasının qoyulması Azərbaycan infrastrukturunun uğurlu inkişafının növbəti nümayişi idi. Reqionunun ən böyük sərgisi olan “Xəzər Neft və Qaz “ layihəsinin fəaliyyətə başlanmasına uyğunlaşdırılmış rəsmi açılış 2010-cu ilin iyunun 1-də baş tutdu.“Baku Expo Center” Sərgi və Konfrans Mərkəzi yüksək beynəlxalq standartlara uyğun layihələşdirilmiş və inşa edilmişdir.

Sərgilərlə yanaşı mərkəzdə konfransların, seminarların, təqdimatların, habelə işgüzar və əyləncə xarakterli müxtəlif tədbirlərin həyata keçirilməsi nəzərdə tutulur.10 hektar ərazidə yerləşən kompleksin işgüzar fəaliyyət ümumi sahəsi 3 hektar təşkil edir. Bunun 20.000 kvadrat metrdən artıq hissəsi ekspozisiya sahəsi təqdim olunur. Mərkəz müxtəlif növlü sərgi keçirmək üçün əla təchiz edilmiş 3 pavilyondan ibarətdir. Əlavə olaraq burada konferens-zalları, iclas otaqları, biznes mərkəzi, fudkort, və digər xidmətlər təqdim olunur.